اسكريبت بقلم مي محمد

اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ
إنه واحد أحلي
بعتت ريك
دي عبايات رجالي!!
ضحكت وأنا برد
أيوه ما أنا هجيب واحده لجوزي الجو بقا ساقعه أوي وحبيبي ممكن يبقا مش متقل.
رديت هي كمان بريك
الطم علي وشي يابنتي جوز مين أنت كدا هتخلينا نشك في أمركلا وكمان خاېفه علي الصبر يارب.
كلمتها فون
السلام عليكم ورحمة الله وبركاته ياهانم.
ردت بغيظ
هرد علشان ال٣٠ حسنه مش أكتر أنت يابت أتجننينتي جوز مين الي راحه تجبيلوا عبايه شتوي وأنت متعرفش شكلوا من الأساس.
ضحكت أكتر بحب

مش مهم شكلوا ولا أي حاجه من السطحيات دي المهم إنه لما يجي هديلوا كل الهدايا الي بجبهالوا وهحكيلوا علي كل حاجه حصلت وهو مش مشاركني فيها.
سكتت شويه وبعدين لقيتها ردت بحب
يابخت ألي هيكسب قلبك يامي.
أبتسمت أكتر
أنا بحبك يافريده شكرا إنك مستحمله جناني ورغي وتوتري الدايم شكرا ليكي من قلبى.
أتكلمت بمرح
بطلي هبل أنت أختي المهم هنروح معرض الكتاب بكره ولا إيه
أيوه طبعا بكره حفله توقيع جبريل الهلالي.
أنا مش متخيله إنك جايب السلسلة بتاعتوا كامله.
فتحت الشباك وأنا برد عليها
تستاهل وتستاهل أضيع وقتي عليها حاجه مفيده وليها قيمه أدبيه ودينيه ولغويه حد شاطر وحروفوا بتوصف دا.
قفلت بعد ما ظبطنا إننا هنتقابل بكره
بكل بساطه أنا مي والخڼاقه الي حصلت في الأول دي خڼاقه كل يوم تقريبا ممكن تشوفوا جنان! بس مش لازم أكون عارفه الشخص الي هتجوزه علشان أحبه أو أدعيله أو أجبلوا هديهأو أكتبله في الحقيقة أنا بعمل كل دا ومش ناقص غير وجوده مش عارفه أزاي بس أنا ربنا زرع في قلبي حب لي غريب حب من غير لقا من غير قيود مشاعر غريبه محدش هيفهمها غيري.
بس سيبكم من كل دا أنا بكره هشوف كاتبي المفضل أخيرا.
 قومت قبل معادي بساعه صليت الضحي وقرأت أذكاري قرأت سوره يس فنجان قهوه لذوذ وأنا بطلع الأوت فيت ألي هلبسوا.
بصيت لنفسي برضا بعد ما خلصت لبس وظبطت خماري ورطبطت وشي وشفايفي فقط نزلت وأنا برد علي فريده
ياحبيبي نازله والله.
دا أنا هحط عليكي يامي بقالي ربع ساعه مستنياكي.
مردتش لأني كنت قدامها قفلت الفون وأنا بتجه ليها
حبيبي حبيبي.
مشيت قدامي بزعل
مش هتثبت ياماما.
طلعت كوكيز هي بتحبوا وأنا بحضن أيدها
طب وكدا
أخدتها وهي بتضحك
حبيب اخوك ياسيد.
ضحكنا سوا وبعدين ركبنا الباص أصل أنا مش هطلب أوبر يفلس أهلي مش ناقصه كفايا الكتب.
أول ما وصلنا بصيت للمعرض وعيوني مليان لمعه وحب بحس إني بنتمي للمكان دا برغم إني كل مره بروح بتعب بس علي قلبي زي العسل حجزنا التيكت ودخلنا
صوريني يافوفه يلا.
إحنا لسه داخلين ناخد نفسنا.
صوريني بس.
أتصورنا قدام البوابه وبعدين دخلنا وأول حاجه عملناها هي إننا نفطر أكيد علشان منهبطش وجبنا كوبيتين قهوه وبدأنا رحلتنا.
 ميوي!
رديت عليها وأنا