أرادت زوجتي لها لنرميم همام
انت في الصفحة 1 من 8 صفحات
أرادت زوجي لها
بقلمي نرمين همام
من اسوا الصفات اللي ممكن حد يتصف بيها الطمع يعني في ناس بتمد لهم ايدك بالخير وزي ما بيقولوا بيعضها زي حكايتي كده نسيت اعرفكم بنفسي
انا نيفين عندي 28 سنة
هو انا هتكلم كثير ليه تعالوا بنفسكم شوفوا واحكموا بنفسكم
في فيلا جميله ثلاث ادوار يحاوطها جنينه جميله من كل جهه
واقفه ست في اواخر الخمسينات من عمرها لابسه اسود حتى الطرحه لونها اسود وجنب منها شابه اصغر منها عندها حوالي 25 سنه بيبصوا يمين وشمال وكانهم بيحسدوا اهل الفيلا دي على جمال الجنينه والمنطقه
انا مستنيه عامل التوصيل كنت طالبه حاجات من شي ان ولسه ما جتش متهيا لي هي دي
ولما قربت نيفين و مدت ايديها وفتحت الباب اول ما شافت اللي واقفين بره شهقت بصوت عالي
ايه ده طنط عنايات انت عرفتي مكاني منين
دخلت عنايات من غير ما ترد على نيفين وزقيتها بايديها فرجعت نيفين خطوتين لورا كانت دي فرصه للست وبنتها ان هم يدخلوا
عنايات
اش اش ايه العز اللي انت فيه ده يا نيفين يا بنت اميره الله يرحم امك كانت بتخبط عليا وتستلف وراس الثوم دلوقتي انت عايشه في العز ده وهربتي من عندنا
بصيت لها البنت اللي مع الست من فوق لتحت وهي بتقول
صباح
يا عيني علينا قاعدين في شقه اوضتين وصاله وفي حاره ضيقه علشان كنا نوفر لك انت واخويا الفلوس عشان يجيب لك شقه حلوه في حته ثانيه الله يرحمك يا اخويا شفت مراتك
انا اول ما عرفت مكانك قلت لازم اجي اټخانق معاكي واعاتبك هو اللي عملتيه ده يصح تتجوزي بعيد عننا ومن غير ما نعرف وفي السر كمان
نيفين محرجه و تبص يمين وشمال خاېفه حد يسمعهم
وفي اللحظه دي نزل شاب مستغرب الكلام ووقف جنب نيفين لكنه مسك ايديها كانه بيقول لها انا جنبك ما يهمكيش حد
اتفضلوا انا من كلامكم كده عرفت انتم مين لا ابدا ازاي ودي تيجي البيت بيتكم طبعا ونيفين ما مشتش وهربت منكم دي اتجوزتني على سنه الله ورسوله يعني ما اتجوزناش في السر واهلي عارفين وكل صاحباتها
مسك نيفين بايديه الباب قفل الباب وهم دخلوا جوه يبصوا يمين وشمال على العز لنفين فيه في قعدت ام صباح على اقرب فوتيه وهي بتقول
لو مش عارفني يا سعاده البيه انا ام صباح حمات نيفين اقصد اللي كنت حماتها لكن انا مش حماتها بس لا امها تبقى بنت خاله امي واحنا قرايب وما لناش غير بعض بعد وفاه امها جوزتها ابني الله يرحمه وبعديها بكم شهر اختفت دورت عليها لغايه ما اولاد الحلال دلوني على سكتها
صباح
ايوه والله يا بيه ولما اتراكمت علينا الديون امي قالت لازم نروح لنيفين حتى بيعنا شقتنا هي كانت تمليك بس كانت صغيره قوي بعينيها وسددنا الديون اللي علينا
ياسين وهو ماسك ايد نيفين قاعده على اقرب كنبه وهي جنبه
ياسين
ولا يهمكم اولا البيت بيتكم ولو في اي حاجه انا مستعد اسددها لكم
نيفين بترد بعد ما اتملكت نفسها من
ديون ايه اللي بتقولي عليها انا قبل ما امشي انت طلبتي الذهب بتاعي لابنك
