رواية تصيده يصيدك لنرمين همام

اصلا
فتحي
انت عبيطه يا بت وهو زمان كانوا بيشوفوا شكل ولا حاجه اهيت لابوها كان قاعد مع ابوه وهات البنت للواد وكده وخلاص واتجوزوا وانا واخويا جينا
حسنه
الا يا اخويا ما بتتشطرش على بنتها ليه ولا هو اللي ينفع للبنت ما ينفعش لمراه الابن ولا احنا الخدامات اللي اهالينا رمونا ببلاش الحمد لله انك طلعت عاقل مش زي اخوك عبد ربه وراضيت ان احنا نطلع بره وشوف حالنا الحمد لله عيالنا في احلى مدارس خاصه ونضاف وشوف بيتنا عامل ازاي
فتحي
كل واحد وتفكيره يا حسنه انا عاوزكم تبقوا احسن ناس في الدنيا احسن مني وتربيه العيال تبقى احسن من تربيتي ما هو الاب مننا هيكون يعوز ايه لازم عياله تبقى احسن منه

حسنة
والله يا فتحي انت ليك الجنه وحنين وطيب وابن حلال انا ما اعرفش امك دي جابتك ازاي ولا اللي كانت بتعمله فيكم وبتشغلكم بالاجره عند الناس لا وفرحانه وتقول عايزين عيال كتير عشان يشتغلوا في الارض
فتحي بيضحك
اسكتي ما هو ده اللي قالته النهارده على عبد ربه وهناء اهي البنت دي هتشوف ايام كان الله في عونها
في بيت عبد ربه
 عبد ربه
صباح الخير
امه
اخيرا شفت وشك ايه قالت لك ما تطلعش تقعد مع امك وانا قاعده طول النهار قدام الدار ادخل
ازاي بس الناس تاكل وشي
امه
وهي الناس هتعرف ازاي والناس مالها ومالنا هم الناس  هياكلونا ولو سمعت كلمه من حد ولا حد قال لك حاجه قول لي عليه وانا هروح احط صوابع الاثنين دي في عينيه
عبد ربه
تعمليها ياما وفتحي يكلمني في التليفون وقال لي انك عورتيه في راسه عملت كده ليه بس ياما 
الواد طلع من بتوعي وساب البيت واخذ بالتاني وبعد عني يعني احنا شوف قاعدين في البلد هو واخد الناحيه الثانيه بعيد علشان سكتنا ما تكونش واحده
عبد ربه
براحته ياما كل واحد دماغه مريحاه بس ابنك طيب
امه
بقول لك ايه كلمه زياده وهضربك انت كمان ايه انتم كبرتوا على امكم هتقعدوا تبهدلوها انتم
هناء
صباح الخير ياما
 ام عبده
صباح الخير يا مرات ابني ايه الجمال ده والحلويات اللي انت لابساها ما عندكيش واحد شبهه
هناء  مكسوفه
ايوه ياما عندي
ام عبده
اقعدي هنا وقولي لي عندك الوانات ايه
هناء
عندك الاسود
هناء
عندي الكحلي والبني الغامق والبنفسجي والاحمر والاخضر
 ام عبده
طيب قومي كده يا اختي جيبي لي الكحلي والبني الغامق اتفرج عليهم
بقلمي نرمين همام قصص نيمو
اوضه هناء
 هناء
حرام والله بقى لي معاكوا دلوقتي شهر وامك  اخذت نص هدومي هي عايزه مني ايه الوليه عبد ربه
بقول لك ايه يا هناء ما تقوليش كلمه على امي امي ما فيش امي زيها في الدنيا دي كتبت لي نصيبها في الارض باسمي يعني بعد كده هيبقى ليا وليكي ولعيالنا اللي هيجوا في السكه يبقى 
طب انا جعانه عايزه اطقش لي بيضتين حاسه ان مصاريني بتتقطع من الجوع
عبد ربه
امي قافله على البيض
هناء
يا رب صبرني انا اللي جبته لنفسي يا رب امال فين اللبن والبيض اللي كنت بتجيبهم لي واحنا مخطوبين
عبد ربه
ما انا قلت لامي فين البيض اللي كنت بتبعتيه كل يوم لهناء قالت لي ما خلاص اتجوزتها وكفايه عليها البيض اللي فات هي هتيجي تنهبنا ولا ايه
هناء
يا رب صبرني انا ماسكه نفسي انت عارف لما كان حد من اخواتي  الصغيرين كان بيعصبني كنت بعمل فيهم ايه كنت بنط في كرشهم
عبد ربه
بقول