أرادت زوجتي لها لنرميم همام

حبيبتي في اقرب وقت هجيب لهم شقه صغيره تكفيهم هم الاثنين ومتكفل يا ستي بجهاز صباح لما تيجي تتجوز
نيفين
تمام يا ياسين والنبي عايزاك تهتمي بالموضوع ده
ياسين
ما تقلقيش اخلص بس المشروع اللي في ايدي اللي واخد كل وقتي هو انتبه لهم
وبعد اسبوع كانت  صباح وامها قاعدين في الليفنج بيتفرجوا على التلفزيون  وبياكلوا فاكهه ومقرمشات
دخلت عليهم نيفين وقعدت تشوف بيعملوا ايه
صباح
فينك كده يا نيفين على طول نايمه من يوم ما جينا يعني هو انت فيك حاجه
نيفين وهي بتتفرج على التلفزيون
معلش يا صباح اقلبي القناه دي انا ما اعرفش ازاي بتتفرجي على الحاجات اللي انت جايباها خبط ورزع ودم

ام صباح وهي بتضحك
هو انت لسه ما بتحبيش الحاجات دي
نيفين ضحكت هي كمان
الغريبه ان انتم لما بتشوفوا المناظر دي والضړب بتقعدوا تضحكوا وتازازوا لب وكانكم بتتفرجوا على فيلم كوميدي
صباح عدلت نفسها وبصت لنيفين
نيفين انت بتهربي من الكلام انت ايه حكايتك احنا من يوم ما جينا ومش بنشوفك كتير على طول نايمه بنشوفك بس لما جوزك بيجي من الشغل هو انت مش عايزه تقعدي معانا ولا ايه
ام  صباح
ايوه صح هو انا ما خدتش بالي بالموضوع ده ازاي
نيفين بتحاول  تهرب من الاجابه
لا ابدا انا قلت اسيبكم  وعلشان احسسكم ان البيت بيتكم
ام صباح بتبتسم
طبعا بيتنا وامك الله يرحمها  كانت بنت خالتي و كانت غاليه علينا وانت زي بنتي ومصارين البطن بتتخانق
صباح
في سؤال كنت عايزه اساله لك بس خاېفه تزعلي
نيفين  بندهاش
اسالي يا صباح لكن انا اول مره اعرف ان انت پتخافي لحد يزعل انت على طول  بتتكلمي والكلام بقى يزعل ما يزعلش مش مشكله
الصباح بترد  بسرعه
ايوه طبعا علشان انا صريحه واللي في قلبي على لساني بمناسبه اللي في قلبي على لساني هو انت ما جبتلهوش حته عيل ليه لغايه دلوقتي
ام صباح
ايوه يعني فين يا بنتي كده غلط لازم تربطيه بالعيل لكن هقول ايه ده انت كنت متجوزه ابني وما  ما كنتيش مرسياني على حالتك لا انت ولا عبد الرحمن
نيفين
حاله ايه يا خالتي
ام صباح
ايوه كده بقى لك مده ما قلتيش يا خالتي بحب اسمعها منك قوي
نيفين
ايوه يا خالتي برده ما قلتليش حاله ايه
ام صباح
حالتك يعني قعدتي مع ابني كم سنه وما جبت لهوش حته عيل ودلوقتي قاعده مع الراجل الغني ده وما فيش لا عيل ولا حاجه كده يفلت منك يطلع يدور على اللي تجيب له حته عيل يشيل بيها اسمه ويبقى العز ده كله ملكه
نيفين پغضب
مش من حقك يا صباح تعرفي المواضيع دي دي خصوصيات بيوت ولا هو كمان هتقولي عليه اخويا وعايزه مصلحته زي ما كنت دايما بتتكلمي في الكلام ده واخوك دايما كان بيزعق لك ويقول لك انت صغيره في السن ما تقلديش امك
ام  صباح
ومالها امها يا بنتي ما انا قاعده ساكته اهو وبعدين ايه المشكله لما النصحك وبدل ما يروح يتجوز عليك واحده غريبه عشان تجيبي له حته عيل صباح اختك موجوده اهي لو فتحك الموضوع ونفسه في حته عيل احنا اولى
نيفين قامت وقفت
والله انا مستغرباكم انا فعلا ما كنتش مرتاحه لوجودكم هنا لكن هو اللي قال لي اصبر عليكم زي ما كنت دايما