أرادت زوجتي لها لنرميم همام

كلامها
عارفه وبعدها يا نيفين هتقول له ان هي عايزه تجوزه لي وان هي مش هتلاقي احسن منه لبنتها اللي هو انا وان انا مستعده اعيش هنا خدامه تحت رجليكم وان انا زي اختك وبحبك وقابله انك تكوني مراته وحبيبته وانا يا دوبك هكون ام عياله
نيفين بتضحك
انا ما اعرفش بتجيبوا كلامكم وافكاركم دي منين هو من كتر ما بتتفرجوا على افلام هابطه بتقعدوا تالفوا انتوا كمان
 ام صباح
وايه يعني طالما ما بتخلفيش وسنه ولا اثنين ممكن يفكر يتجوز عشان يجيب حته عيل ما صباح اولى على الاقل احنا عارفين بعض وقابلين نعيش كلنا هنا مع بعض

نيفين وهي
ما انا بقول يبقى انت المؤلفه ولا صباح اصل صباح متهيا لي تفوقت على المعلم بتاعها مش انت اللي معلماها كل حاجه ومتربيه على ايديكي الفتوا وخططته وكمان عرفتوا النتيجه ان صباح هتجيب عيال ده ايه التقدم ده والله ما كانش حد غلب
ام صباح
والله انا مستغرباك انت ومستغربه كلامك واحده ما بتخلفش واتجوزت بدل الراجل اثنين وفي الجوازتين ما جابتش عيال يبقى العيب من مين هتقولي لي صدفه من عبد الرحمن وصدفه كمان ان ياسين ما يخلفش لا يا حبيبتي ده كده تبقى مفقوسه لكن انت بقى ضميرك وحش وكرهه لنا الخير يعني قابله ان ممكن يتجوز واحده غريبه وما يتجوزش صباح على الاقل احنا عارفين بعض زي ما قلت لك
وفي اللحظه دي دخل عليهم ياسين اللي كان فتح باب الفيلا بالمفتاح ودخل ودخل عليهم دلوقتي اوضه الليفنج وهو بيضحك
ياسين
ههههه  بجد مش عارف بتجيبوا الكلام ده منين مين قال لكم ان انا ممكن اطلق نيفين في يوم من الايام او اتجوز عليها علشان عدم الخلفه
نيفين قامت وقفت على رجليها ثاني وبتبص له عشان ما يكملش كلامه
لا نيفين ما تبصليش كده انا هتكلم ايوه هتكلم
ام صباح وقفت هي كمان هي وصباح
ام صباح
كويس انك جيت احنا مش ناس خبثه والكلام كان واضح وفي ايه يعني لما الست تخطب  لبنتها انا ست كبيره وممكن في اي يوم يحصل لي حاجه واموت وصباح يتيمه ملهاش حد في الدنيا ابوها مېت واخوها الوحيد مېت وانا اهو يبقى ايه المشكله لما تحطها تحت ضلك
ياسين
برده يعني اللي انت بتقولي عليه ده حكم لازم انفذه  ولا هتقولي لي دي بنت عمك اللي كانت تايهه من زمان ولا تكونش بنت خالتي هههههه
نيفين بتضحك وبتقول له
بتضحك يا ياسين بذمتك الكلام ده يضحك انا مش فاهمه انا حاسه اني واقفه في مسرحيه هابطه هي وبنتها المؤلفين وممثلين في نفس الوقت ليه وبيعرضوا المسرحيه بتاعتهم دي فين في بيتي
هي فين
عموما ما توجعيش دماغك يا حاجه لو عايزاني اتجوز صباح بنتك علشان اخلف فانا مراتي حامل
الصباح بتصرخ وبتقول
 حامل ازاي
وامها خبطت على صدرها وهي بتقول
حامل
ياسين لسه ماسك نيفين وبيقول
ايوه مراتي نيفين حامل وفي الشهر الثاني وما كانش لازم تعرفوا هي حامل ولا مش حامل لان ده شيء ما يخصكوش وبالنسبه لابنكم الله يرحمه  اللي ما اقدرش اقول عليه كلمه وحشه في حقه بعد اللي حكيته نيفين عنه وانها اتجوزته ترد له الجمايل الكبيره  اللي عملها في حقها بعد ما كنت انت سبب  ان امها  تخليها تتجوز
ياسين قعد وشد نيفين عشان  جنبه
سافرت