بنات انا كنت عازمه النهارده امي واخويا
مشكله_عضوه
بنات انا كنت عازمه النهارده امى واخويا ولأن حالتهم الماديه صفر وحشه خالص ف بعزمهم كل فتره كده لان والدي مټوفي ومش سايب حتى معاش ولا أي فلوس حتى انا اتجهزت بالعافيه بمساعده الجيران واهل الشارع عملوا ليه جمعيات وجهزوني الله يبارك لهم المهم انا اخويا من ذوي الاحتياجات الخاصه وتعبان جدا وعلي طول عنده ضعف من قله الاكل الصحي فانا بعزمهم علشان ياكلوا حتى لحمه او فرخه وبقول هما اهل ومحتاجين اكتر من الغريب بنات انا زوجى الحمد لله مقتدر ماديا وبيخرج صدقات كتير بس بتحرج اقولوا ساعد اهلي ف بعزمهم وهما ماشين بعطي لأمي فلوس من تحويش من فلوس البيت وشويه خزين وكده المشكله بقى اللى حصلت ان زوجى عزم مامته وباباه في نفس اليوم وطبعا انا عملت سفره كويسه وفيها حمام ورومي وبوفتيك لان حمايا مش بياكل لا فراخ ولا لحمه فالمهم انا كنت بأكل اخويا لانه مش بيقدر يمسك الاكل بايده والله يبنات طول الوقت زوجى ضارب بوذ وقالب وشه ويبص لاهلي بقرف مش عارفه ليه المهم مامته خدت طبق ليها وقامت قعدت في الانتريه وهي قايمه برطمت كده وقالت شئ مقرف فانا زعلت وسكت وعدتها وكنت على قد ما اقدر بضحك واهزر وحطيت فاكهه وحلويات المهم امي استأذنت علشان تمشي فأنا كنت عامله لأمي شنطه فيها شويه خزين وطبق فاكهه وطبق كبير من باقي الاكل لأنها مأكلتش كويس وقولت علشان لما تروح البيت تاكل هي واخويا ويكملوا اكل فهي خرجت وانا اخدت اخويا بحجه اسنده واطلعه بره وطلعت الشنطه علي الباب فعطيتها لامي فلقيت زوجى خرج علينا والله يا بنات زي ما بقولكم وخد الشنطه من ايد امي وقالي هو مش سبيل يختي ولأول مره يتكلم بالاسلوب ده معايا فبقولوا عيب كده ادخل ونبقى نتكلم بعدين فقالي العيب منك انتي واللي انتي بتعمليه ده حماتي خرجت وبقت تقولي انتي بتاخدي شقى ابني لأهلك ده حرام وانتي هتتحسبي عليه فراح شدني ودخلني جوه الشقه وقفل الباب في وش امي وانا بقيت اصړخ وكنت عاوزه اخرج لهم بس حلف عليه ما اخرج قعدت اڼهارت وبقيت اعيط من احراجي قدام حمايا وحماتي زي الاطفال وقولت ما انت بتدي البواب باقي الاكل وفلوس كمان راحت حماتي قالتلي انتي بتقولي ايه وبتبصلي من فوق لتحت وانا قعدت ازعق واقولو هو انت علشان ربنا عطاك من وسع تيجي ع الفقير وبقيت احسبن من غيظي وزعلي على أهلي ومن وقتها مش بكلمو ولا هو بيكلمني بس حماتي اتصلت بيا وقالتلي حسبي الله ونعم فيكي وفي امك ومتدعيش على ابنى تاني وقفلت في وشي انا عارفه اني غلطانه بس انا اتبهدلت قووى ونفسي اروح بيت امي واشوف اخويا انا عارفه اني طولت بس من ۏجعي وحړقتي ودلوقتي انا مش قادره ابص في وش زوجى خالص ومش عارفه اتصرف ازاي علشان كنت بعطي اهلي حاجات من وراه وحاسه انى قللت منهم والمشكله ان زوجى أطيب من كده مش عارفه ايه غيره وليه عمل كده بالله عليكم اعمل ايه بجد لاني مڼهاره وتعبانه من وقتها
