رواية حارس الأرض بقلم لارا كاملة

فترة ولاسباب شخصية محدش كان عارف بالموضوع ده..
كريم اسباب ايه دى ان شاء الله
خالد باستهزاء والله دى حاجة متخصكش..انا قلت شخصية يعنى حاجة تخصنى انا ومراتى..
شد لورا اصطنعت الابتسامة..
لورا طبعا يا حبيبى..متتاخروش يا جماعة..
مشيو.. وخالد قضى الفترة دى ده بيجدد شقته اللى كان سايبها من فترة طويلة اووى..خالد حاول يخلى لورا تختار الالوان بتاعت الشقة وتشارك معاه علشان تكون مليانة بذوقهم سوا..لكن لورا كانت متضايقة ورفضت..وكمان طول الفترة دى التحقيق مستمر وبيحاولوا يعرفوا مين اللى عمل حركة الصور وبعت صور لسيف...اما سيف بقا كان متضايق لكن مقدرش يعمل حاجة قصاد قرار امجد وفريدة اللى كانوا فرحانين عادى
اخيرا جه يوم الفرح وخالد واقف مستنى لورا ولابس بدلته وكان حلم اى بنت فعلا..لورا لبست فستانها اللى راحت اختارته ورفضت ان خالد يشوفه..لورا كانت شبه الاميرات فعلا..كانت جميلة ورقيقة وشقية..فريدة اول ما شافتها عنيها دمعت 
سابتها فريدة شوية لوحدها..و لورا قعدت متوترة..مش عارفة تحدد هى فرحانة انها بتتجوز حبيبها ولا زعلانة بسبب الظروف اللى بيتجوزوا فيها..كانت معصبة من خالد وف نفس الوقت عايزة تجرى مشاعر كتير متلغبطة
وكمان خالد كان نفس الحكاية لكن تجاهل كل ده وركز على ان حبيبته اخيرا هتبقى معاه..
ونسى تماما داليا..كأن لورا بالنسباله سحررر...خالد واقف مستنيها وشافها نازلة ف ايد باباها حس كأن
مفيش حد ف العالم كله غيرهم هما الاتنين..اتمنى لو يروح يخطفها وياخدها ويروح بيتهم ويبداوا حياتهم سواا زى اى اتنين بيحبوا بعض..خالد سلم على امجد واخد لورا ونزلوا رقصوا سوا على اغنية of me
لورا وخالد سرحوا ف بعض ونسيو انهم كانو متضايقين
من بعض..كل الموجودين شافوا حبهم باين ف عنيهم..كل البنات كانو بيحسدوا لورا على حبيبها العسول..وكل الشباب بيحسدوا خالد على حبيبته الشقية الجميلة..خلص الفرح وكل واحد راح بيته..وجه وقت ان خالد ياخد لورا ويمشوا..
خالد يلا بينا بقا..
لورا باستغراب يلا فين
خالد بتريقة هيكون على بيت ابوكى مثلا..اكيد يلا بينا على بيتنا..
لورا بدهشة بيتنا ده اللى هو ازاى
خالد بقولك ايه بلاش هبل يا بت انتى..مش احنا اتجوزنا يبقى هتيجى معايا بيتنا..
لورا باعتراض لا يا كابتن انت فاهم غلط..احنا خلاص اتجوزنا والناس هتسكت على كدا انما حوار بيتنا والجو ده انسى خالص..انا رايحة بيت ابويا..
سابته لورا وراحت ناحية امجد وفريدة..
لورا يلا يا بابا..
امجد باستغراب يلا ايه..انتو اللى يلا على بيتكم بقا..
لورا بجدية بابا بلاش هزار بقا انا مش هروح معاه..احنا اتجوزنا علشان نحل المشكلة اللى حصلت واعتقد كدا انتهينا..
سيف بضيق انتى عبيطة يا بت هو لعب عيال ولا ايه
لورا انا مش هروح معاه..يلا يا كابتن خالد شوف حالك ميرسى على الليلة الجميلة دى..
سابته لورا وكانت طالعة تغير فستانها علشان ترجع بيتها لكن اتفاجئت بيه بيشدها وشالها على كتفه من غير كلام..لورا بتصوت وبتضرب فيه لكن ولا هو هنا..
لورا بصويت سيف الحقنى..انا بكرهه يا سيييف..بابا زعقله يا بابا..مش هروح معاه..الحقوووونى...
امجد وفريدة ضحكوا على شكلهم وخالد ركبها العربية وربطلها حزام الامان..فضلت تتحرك لكن هو بصلها بصة خلاها سكتت خالص...خالد ركب وهما ف الطريق لورا مش مبطلة شتيمة فيه وزعيق بصوت عالى.
.خالد مرة واحدة داس فرامل وبصلها پغضب بقولك ايه انا ساكت من بدرى لكن هتتجننى عليا هفطسك هنا ومحدش هيحس بحاجة..اسكتى خالص مش عايز اسمع ولا كلمة..انتى شكلك متعرفنيش..انا مچنون..
لورا خاڤت منه فعلا وسكتت طول الطريق او بمعنى اصح كانت بتبرطم ف سرهاناس مش بتيجى غير بالعين الحمرا
وصلوا البيت وهو نزل ومستنيها تنزل لكن هى ربعت ايديها وفضلت قاعدة...خالد بتأفف راح ناحيتها ونزلها وشالها وطلع بيها على شقتهم..دخلوا ونزلها..لورا كانت بتتفرج على الشقة وعجبها استايلها جداا وبتبص وراها لقته بيخلع الجاكت بتاعه وبيبصلها..لورا قلبها اتقبض وبصت حواليها شافت سکينة الفاكهة..جريت عليها ومسكتها..
يتبع
وصلوا البيت وخالد نزل ومستنيها تنزل لكن هى ربعت ايديها وفضلت قاعدة..خالد بتأفف راح ناحيتها ونزلها وشالها وطلع بيها على شقتهم..دخلوا ونزلها..لورا كانت بتتفرج على الشقة وعجبها استايلها جداا وبتبص وراها لقته بيخلع الجاكت

بتاعه وبيبصلها..لورا قلبها اتقبض وبصت حواليها شافت سکينة الفاكهة..جريت عليها ومسكتها..لورا بټهديد لا بقولك ايه لحد هنا والزم حدودك لحسن الصبح تكون ف 
لورا بتوتر بقولك ايه بلاش جنان..ابعد عنى احسنلك يا عم انت...
خالد كان مقرب منها اووى وهى قلبها هيخرج من مكانه وهو كمان قلبه مكنش ساكت زى ما انتو متوقعين..مرة واحدة بعد عنها وضحك على شكلها وقالها باستفزاز اصلا مفيش فيكى حاجة ملفتة..احسن احسن
لورا پغضب انت اصلا ملكش ف الجمال...زعلتى ليه يا ختى
لورا سابته ودخلت تشوف اوضتها..دخلت اوضة عجبتها اوى وقررت تفضل فيها..لسة هتقفل الباب خالد منعها..
لورا افندم..عايزة اغير وانام ممكن
خالد طبعا ممكن بس دى اوضتى..انا عن نفسي مش عندى مشكلة اطلاقا ف وجودك معايا ف نفس الاوضة..
لورا زقته وطلعت لا وعلى ايه الله الغني..
دخلت لورا اوضة تانية وغيرت وطبعا ملقيتش اى لبس ليها ففتحت الدولاب لقت لبس