التميمه
تكون تميمه نادره او رمز لقبيلة منقرضه او ممكله هالكه او شعار معبد او حتى كنيسه
بعد كده بص فيها تانى الصراحه معتقدش انها تخص كنيسه او معبد الرسومات دى اكيد ليها معنى
طيب واللغه يا دكتور قال مش عارف مفيش لغه اعرفها زى كده لا يونانى ولا رومانى ولا حتى سريانى
الصراحه شعرت بحيره كبيره وقبل ما اخرج من غرفة الدكتور نصحنى اعرضها على دكتور آثار متأخره فى الحضارات القديمه
مكنش عندى وقت يدوبك خلصت محاضارتى وروحت على البيت
الساعه كانت عشره بالليل والدتى كانت نايمه وكيان كانت نايمه العشا كان على الطاوله اكلت وشلت الأطباق ومشيت ادخل غرفتى
وقفت على باب الغرفه مشدوه الغرفه كانت مقلوبه السرير والمكتب والادراج وكل حاجه
خبطت على غرفة والدتى وسألتها قالت كيان كانت بتعلب جوه غرفتك
انتى با بت ما مفعوصه كنتى بتعملى ايه فى اوضتى
بنعاس قالت كنت بدور على صحبتى
صحبتك مين يا كيان
البنت الصغيره إلى مرسومه على العمله أصلها بترقص حلو اوى كنت عايزه اتفرج عليها
انتى بقالك صحاب غيرى يا كوكى
ايوه يا سمسم ومن فضلك سبنى عشان لسه كانت جيانى فى الحلم
خرجت من غرفة كيان البنت شكلها هتتجنن بالرسمه قررت انى مش هخلى كيان تشوف العمله تانى عشان متتعلقش بيها
بعد يومين كنت غايب فيهم عن الجامعه اول ما وصلت لقيت المدرج مقلوب عليه
فيه يا جدعان
دكتور محى بتاع آداب سأل عليك اكتر من مره
خلصت المحاضره وروحت على مكتب دكتور محى قالى انت فين يا راجل انا قلبت عليك الدنيا
دا دكتور مدحت زميلى انا حكتله عن العمله إلى معاك ومهتم جدا انه يشوفها
طلعت العمله إلى مش عارف ازاى وصلت جيبي وحطتها على المكتب
حكتله إلى حصل معايا زمان لكن الغريب ان ذكرت تفصيله كنت ناسيها من زمان قبل ما الاقى العمله كان فيه راجل شكله غريب عدا من جنبى بص عليه ومشى الدكتور مدحت سكت شويه وقال انا الصراحه مش هقدر افيدك وسبنا ومشى شكرت دكتور محى وخرجت لقيت دكتور مدحت منتظرنى بره نده عليا روحلته قال اسمع انا مقدرتش اقول الكلام دا جوه قدام دكتور محى محدش يقدر يعرف اصل القطعه المعدنيه دى غير شخص شغال فى الآثار او خبير يعنى انا اعرف واحد خبير فى الآثار القديمه لكنه مسافر دلوقتى كتبلى اسمه ورقم تليفونه ونصحنى اتواصل مع خبير الآثار ده
دى لو قطعه اثريه هتخلينى مليونير وسرحت أفكارى لبعيد اوى احلام شاب بسيط فقير ومعدم
تليفون خبير الآثار كان مقفول لاكتر من اسبوع لحد ما فقدت الأمل انه يرد عليه
بتقلبى غرفتى كل
