روايه ساعديني لكاتبتها ندي ناصر
عايزة كل ده انا عاوزاها هي ياماما.
_ راحت لربنا اللي خلقها ياحبيبتي قومي صلي وادعي ليها.
بعد وقت كنت واقفة قدام مصليتي وعيني من الدموع مش قادرة افتحها صليت كتير وكل مرة بسرح في الصلاة وبعيط بعد ربع ساعة كنت خلصت صلاة ونمت مكاني على المصلية وبقلة حيلة بدأت أكلم ربنا
_ اللهم لا اعتراض على قضائك يارب الحمد لله على كل حال بس أنا مش طالبة غير إنك ترحمها وترد ليها حقها هي طيبة ومأذتش حد بتمنى تجيلي في الحلم يا نيرة أنا موحشتكيش يعني بعد ما كنا كل يوم مع بعض مش بنتفارق غير على النوم مبقيتش قادرة اشوف غير صورنا...
مسكت صورتها بصيت ليها ولجمال ضحكتها وأنا بحكي معاها كأنها قاعدة قدامي ومستنياها ترد
_ كنتي دايما بتستغربي إزاي شخص غريب اتوفى وشعب كامل بيدعي ليه وبيترحم عليه دلوقتي أنا بقولك أن كل الدنيا بتدعيلك انتي روحتي ولسة سيرتك الجميلة شبهك موجودة سيبتي الدنيا كلها لكنك عايشة في قلوبنا ربنا يعجل لقائي بيكي ياحبيبتي.
إلا أهل وأصحاب نيرة كل يوم بيمو تو من القهر عليها مين يتمنى دي لا أنا ولا أي حد في الدنيا يتمنى ېموت بره بيته مبالك زي دي وروحها تطلع في الشارع!!
خرجت من الكلية عشان ابعد عن نظراتهم وانسى شوية لكن هنسى ازاي وانا كل يوم بمشي من جانب الرصيف اللي اند بحت عليه هنسى ازاي وكل مكان بمشي فيه بحس بوجودها مفيش يوم نسيتها فيه الشارع اللي قدام بيتنا كله ذكريات لينا مع بعض...
كان نفسي ترد عليا في الوقت ده لكن خلاص هي مبقتش موجودة...
روحت البيت وكانت ماما قاعدة على الكرسي شكلها مستنياني.
_ كويس إنك جيتي.
_ في إيه
ابتسمت إبتسامة خفيفة وقعدت على الكرسي اللي جانبها وحطيت رجل على رجل وفي إيدي صورة نيرة وبثقة اتكلمت
_ إعدا م أكيد تعرفي ياماما إن المفروض القضية كانت تتحول لرأي عام بكلمك بجد والله زي ما ربنا قال في سورة البقرة
ومش بس كده كان المفروض يتعلق في ميدان عام وفي نفس مكان اللي د بح نيرة فيه يذ بح هو كمان فيه ووقتها هيكون عبرة لكل واحد يفكر يعمل غلطة بسيطة.
_ أهدى إيه ياماما بس صاحبة عمري حقها رجع لها وتقوليلي أهدى.
_ مين قال إن اتحكم عليه بالإعد ام
_ يعني إيه
_ يعني نيرة زيها زي غيرها حقها ضاع.
قومت من مكاني مشيت خطوتين ورجعتهم تاني مسكت راسي من الۏجع اللي اصابني فجأة ورجعت أتكلم بنبرة كلها استغراب
_ الكاميرات مصورة الچريمة وفيه شهود على
