حكاوي ايلول

تماما ومش سمعالهم صوت بس فاجأه سمعت صوت سلام وترحيب بحد هنا عندنا فتحت باب اوضتي براحه وبصيت ويرتني ما بيصيت.
سيف!!
قفلت الباب بسرعه وسندت عليه وانا بلعڼ يونس عشان اكيد هو اللي جابه.
يعني ايه ع احنا اصلا مش عاملين غدا النهارده عدل.. ازاي بقي
بصتلي بقله حيله وانا عارفه موال كل مره هيبدأ حالا
منا لو عندي بنت زي بقيت البنات كانت عملت هي الغدا ودخلت ابدعت في المطبخ بدل امها التعابنه بس هقول ايه.
خدت منها صنيه الشاي 
هاتي دي كده واتفضلي بقي حضرتك تشوفي هتبدعي ايه وتفنني ايه في الاكل عشان ميبقاش شكلنا وحش.

طلعت بالصينه وحطتها علي ترابيزه قدامهم وقعدت معاهم عشان اسمع حكاوي الرجال الممله زيهم بس الاهم كنت قاعده عشان لو استاذه سوسه قال حاجه عني وعن اخر موقف بينا الحق ابرر ل بابا موقفي.
طول القاعده مكنش بصصلي ولا حتي عيونه جت عليا بالغلط لدرجه دي زعلان !!بس كان عادي يعني اهو وبيحكي لبابا وماما عن حياته ومواقفه فيها وهو بيضحك اشمعنا انا إللي بيصدرلي العصبيه وزعيق بس.
علي فكره الليل جيه.
يونس بصلي بزغره فتكلمت
انا يعني اقصد اعرف بابا عشان ميعاد نومه..
وبصيت بطرف عيني علي سيف لقيته باصص عليا وبعدين الټفت ل يونس وقام.
فعلا الوقت أتأخر فأنا استأذن بقي.
فأنا قومت بسرعه
انا مقصدش انك تقوم علي فكره ولا اقصد..
قاطعني وقال بهدوء 
ولا يهمك بس فعلا عشان معطلكمش اكتر من كده وانا كمان ورايا شغل في البيت لسه هيخلص.
مش عارفه ليه قلبي وقع في رجلي اول ما سمعت سيره شغل خۏفت لحد فيهم يسأله عني وعن الموقف اللي حصل بس الحمد لله محدش سأله والأغرب أنه محكاش حاجه ولا حتي لمح بالكلام.
كلهم وقفوا يسلموا عليه وانا دخلت جريت علي البلكونه اقفت فيها من طبعي لما حد عزيز علي قلبي ويجي يروح من عندنا بجري اقف في بلكونه واشوفه هو ماشي..مفهمتش انا ليه واقفه هنا وليه قولت عنه عزيز!!
شوفته وهو متجه لعربيته وقفل ما يفتح بابها رفع رأسه لفوق محستش بنفسي غير وانا برفع ايدي في الهوا وبشاور له فابستم ليا ودخل عربيته وقفلها واتحرك.
يعني مش ناويه تنزلي.
لأ يا ماما. 
بقالك عشر ايام يا ايلول وبصراحه زهقت منك.
يا ماما افهمي احنا لما نقعد في وش بعض كده احسن مليون مره من اني اروح واشوفه واتخناق معاه.
ده مديرك مش عدوك.
لأ عدوي بعصبيته دي و تكبره دايما وان هو الصح والجامد فينا...عارفه اصلا هو معاه حق يعمل فينا كده ويزود عصبيه اكتر طول ما هم ساكتين ومبيفتحوش بوقهم معاه.
هم مين دول 
الموظفين يا ماما الموظفين .
ايوه هتنزلي امتي 
لما اخلص بس المسلسل التركي القمر ده.
وهيخلص امتي. 
يالهوي يا ماما أنت غلبتي الغتت سيف ده.
امتي 
لازم يبقي عندي كرامه انا قولتله سيبهالك اقوم ارجع زي الكلبه!!
امتي يا كلبه 
يومين كده ولا حاجه يارب يبسطك قرار انعدام الكرامه ده .
جدا يا حبيبتي فرجيني بقي معاك علي المسلسل.
قفلت التليفون وضيقت عيوني ليها
طول ما أنت واقفه في صفه وجايه معاه ومش مع بنتك يبقي يحرم عليك مسلسلاتي.
وعلي ايه صلا زوقك مقرف ومش عدلين.
ساهله روحي بقي لاستاذ سيف وخليه يفرجك هوا.
طب والله ياريت اكيد زوقه حلو مش زيك.
حلو اوي ده اثبتي علي كده بقي يا ماما يا حبيبتي.
صحيت تاني لبست وظبطت نفسي يا أخي تبا الشغل وهذا الجمال ينهدر في سحلة للشغل.
بصتلي بفرحه وبخضه في نفس الوقت
بسم الله جيتي امتي
الناس بتقول وحشتيني حمدالله علي السلامه لكن ايه اللي وداني بتسمعه ده.
وحشتيني بجد وحشني نقيرك معانا والدوشه اللي كنتي بتعمليها.
ابتسمت ليها وانا بقعد
جاب سيرتي بحاجه  
الصراحه لأ..بس حقيقي بقي ساكت ولا بقي يصد ولا يرد معانا ولا اي حاجه زي الاول. 
غيابي مآثر فيه انا عارفه. 
خبطتني في كتفي
هو يعرفك اصلا يبنتي! 
عيب ده انا اللي نقطاه بالشكل ده عايزاه ميعرفنيش! ده اكيد بجيله في الحلم ارعبه.
ضحكت وحطت ملفات كتير قدامي
الشغل شغل