حكاوي ايلول

يقدر يحصل حاجه لانك متهمنيش. 
اخدت نفس كبير بعصبيه من رده
نزلني هنا.
لأ.
بقولك نزلني هنا. 
قفل الباب بعصبيه مفيش نزول غير لما توصلي لبيتك الاول.
فضلت نص ساعة سكاته نص ساعة باصه قدامي للطريق ومش سامحه لنفسي حتي ابصله ڠصب عني.
انزلي.
فتحت عيوني وبصتله
اخر مره هسمحلك تتكلم معايا تاني كده وتنسي حاجه اسمها ايلول لانك من دلوقتي ومن اللحظه دي مش عايزه اعرفك تاني.
يعني اعيط دلوقتي ولا انام ولا اروح اصالحه اسهل!! اروح اصالحه بتاع ايه ده انسان قليل ذوق.
كلت البسكوته اللي في كانت في أيدي وبأيدي تانيه مسحت دموعي.

اه هو قليل الذوق بس كان جميل بردو بيخلي اليوم يعدي خفيف كده وبيبسطني نفخت بعصبيه لنفسي ايه بيبسطني دي ! ما تبسطي أنت نفسك الست ملهاش غير نفسها تبسطها بلا راجل بلا عياط.
لقيت ماما معديه من قدامي في الانتريه فلساني قرر يفلت مني كالعاده ويسأل عنه.
هو مسألش عليا 
هو مين!
بتاع ده اسمه مستر سيف.
ضحكت وقعدت جنبي  
بقال يومين عماله تكلمي نفسك وقاعده علي حالك ده..فيه ايه
كملت اكل البسكوت
مفيش عادي بعملي طقوس جديده بنوع في عيشتي عشان مزهقش.
سيف السبب
متجبليش سيرة الإنسان الھمجي ده تاني.
سيف!!
اه هو بعينه.
ودي تيجي ازاي ده الولد تحسيه متربي عشرين مره ولا حاجه.
هو بوشين اصلا وانا اكتشفته محدش بعد كده يصدقه.
اممم وأنت بقي بتحبي أنهي وش!
بصتلها پصدمه وكحيت جامد فضحكت
سلامتك يا حبيبة ماما سلامتك.
علي فكره انا كنت بحبه يعني خلاص فعل ماضي..
طبعا ماضي.
ماضي وطويته ورميته ورا ضهري خلاص.
طبعا..طبعا.
بصتلها بشك!
أنت مش مصدقاني صح!
خدت من ايدي البسكوت وقطمت منه
مصداقي طبعا يا حبيبه ماما بس يلا ملهوش نصيب فيكي ربنا يعوض عليه بقي.
بصتلها بأستغراب وفاجأة صړخت
يعني افهم من كده انه طلب ايدي!!
ودني براحه.
قربت منها اكتر
ومحدش قالي ليه ها..
هشش انا سمعتهم في الخباثه محدش عرفني انا كمان.
بوستها من خدها
يا حبيبتي يا ماما بتلمعي اوكر عشان بنتك!
كله فداكي حتي لو اتقفشت.
اتنهدت وبصيت للسماء
يارب بحب واحد غبي وقليل الذوق وعصبي يارب بقاله اسبوع بيحملني شغل فوق طاقتي وبيتكلم من فوق كده وبتكبر وفوق ده كله حتي مفكرش يعتذرلي عن اسلوبه الغبي..واحد غتت اصلا. 
مش بقولك لسانك طول اوي.
الټفت له وبعدين بصيت قدامي بعدم اهتمام
انت ايه اللي جابك!
قعد جنبي
جاي اصالحك.
وانا مش عايزه اتصالح من واحد غتت زيك وبارد وقليل الذوق سامع ولا اسمعك اكتر. 
ضحك
صديقي وحشتني.
معلش.. 
طب انا اسف. 
مش مقبول..
طب اسف وبحبك. 
أن شاء الله..
ايلول!
الټفت له وقلبي بيدق جامد
خير! 
اسف بجد.
طيب وايه بقي اللي خلاك تعامل بالعصبيه دي تاني. 
عشان حسستيني فعلا أن مليش لازمه. 
بس ده كان مجرد كوميك وانت عملت حوار. 
عارف واستغربت نفسي لما روحت بس انا كنت مضغوط من كتر الفكر جيت واعترفتلك بمشاعري ولمحت بالكلام وفي كل مره كنتي بتتعاملي بتجاهل معايا فأفهم من كده ايه
بس مكنتش اقصد كده خالص.
وبعدين كلمة روح شوف انت رايح لمين وانا رايحه لمصطفى مديقتنيش قد ما حسيت اللي هو اجري روح بعيد عني عشان اروح اقف معاه وفعلا طول الحفله واقفه معاه. 
بس مكناش لوحدنا واقفين.
ماشي بس بردو كنتي واقفه معاه وحتي مهتمتيش انا فين من ده كله!!
اتنهدت وبصيت في عيونه
اه انا غلطت في دي بس لازم يا سيف تفسر المواقف صح وتراعي الشخص اللي قدامك انت قولت لي اني مهماكش!! 
وأنت قلتيلي مش عايزه اعرفك تاني!!
لانك انت اللي بدأت..
كلامي ضايقك
جدا ولو اطول ام وتك بأيدي هم وتك.
ضحك وقام
طب ثانيه يا شرير.
رجع تاني وفي ايده مج حراري
امسكي. 
فيه ايه ده!!
قررت كل ما أضايقك هصالحك بقهوه فرنساوي 
بصتله بغيظ
اقصد قهوه بلبن. 
شوف ازاي اسمها كده احسن واجمل ازاي.
وقفت في المطبخ مخصوص وعملتهالك علي فكره.
ما طبيعي هتقف في المطبخ.
اقصد يعني بذلت مجهود عشان اعملهالك بنفسي واجيلك كمان لحد هنا.
ابتسمتله وسكت
مش هتقولي حاجه!
اتمني تفضل هادي كده.
بص في عيوني
وسكت فتكلمت تاني
صحيح انت كنت بتقول كل ما تضيقني هتصالحني بيها خير انت هطول ولا ايه 
ما طبيعي اي اتنين بيتخطبوا أو بيتجوزوا بيتخانقوا علي طول.
اصلا!!
هز رأسه بأبتسامه فتكسفت من نظرته ليا وشربت شويه من قهوه
لأ بس احلا من بتاعتي. 
عارفه ايه الاحلي. 
ابتسمت وانا عارفه رده كويس
ايه!
وجودك 
مر_يم
حكاوي_ايلول
رأيكم هيفرق كتير.