عارفين انا عندي ١٣ اخ واخت

وليه طفل تاني اتولد على تعب وشقى ومرمطة.
حطيت نفسي مكانهم ولو ساعة لقيتني فرحانة اوي واول مرة اضحك من قلبي بجد لما جريت اتمرجح ولا لما اتزحلقت والاكتر من كدا لما لعبت معاهم شد الحبل وكنا بنضحك بصوت عالي.
بس اكتشفت ان الخيال مرهق جدا لاني لما فقت من سرحاني ندمت وكانت المرة الاولى اللي الاقي عيوني پتخوني وبدمع ڠضب عني.
ما انا عايشة طول حياتي في شقى واقتنعت اني هفضل كدا طول عمري.
عدى اكتر من ساعة وبدأت ناس كتير تيجي الحفلة ناس ببدل شيك وستات بفاستين جميلة كنا عاملين زي النحل من هنا لهنا مابين الجنينة والفيلا.
_ يلا يا حبيبة قلبي علشان نطفي الشمع .. براحة يا تسنيم علشان ماتوقعيش يا حبيبتي .. كدا برضو بهدلتي الفستان الجديد اللي بابي جبهولك .
بنت اكرم بيه كانت بتكلم بنتها تجمع الاطفال حوالين التورتة الكبيرة وبصوت عالي بنت اكرم بيه قالتلها 
_ ها يا تسنيم يا روح ماما .. نفسك في ايه أجيبهولك بمناسبة عيد ميلادك.
كنت مراقبة المشهد من وانا جوة الفيلا بنضف لما جيه على البنت الدور انها تتكلم ساعتها بصيت باهتمام كدا ولقيتها بتهرش في راسها بتفكر يعني وقامت قايله 
_ نفسي في موبايل
أيفون جديد والعاب كتير اوي.
ضحكت وانا باصة عليها وفي عقلي بقول نفسي أرتاح ولو يومين بس.. مش عايزه فلوس ولا عايزه موبايل.
فقت من سرحاني على حضڼ الام لبنتها مافتكرش ان امي ولا ابويا حضنوني او حتى قالولي كلمة حلوة يااااة تخيلوا سنين كتيرة اوي مسمعتش كلمة حنينة ولا حضڼ دافي خالص!.
_ وأنا كنت عامله حسابي يا أروبة انتي.. إتفضلي يا ستي أحلى أيفون لأحلى تسنيم .. ده أغلى حاجة في السوق يا جماعة.
بنت اكرم بيه ضحكت بعد ما قالت اخر جملة وهي بتبص على الناس حسيت وقتها انها بتتباهى باللي قالته كأنها بتقول اصغر بنت في عيلتنا ماسكه اغلى موبايل في السوق وده أقل حاجة عندنا.
من نظرتها فهمت كل حاجة انا أه صغيرة بس بفهم نظرات اللي قدامي.
مسكت المساحة وبدأت أشغل بالي بتنضيف الفيلا وانا بمسح لمحت علياء وصالح بيطلعوا على الشلم وهما بيتسحبوا يا دوب لمحتهم في ثانية وبعدها اختفوا من قدامي.
بصيت حواليا لقيت الكل مشغول بالحفلة حتى اللي بيشتغلوا في الفيلا حطيت المساحة على الحيطة جنب السلم وطلعت فوق وراهم بسرعة من فوق في كذا اوضة .. بدأت وأفتح أوضة أوضة براحة وانا ببص ورايا كأني عامله عامله بالظبط مكنتش عايزة حد يشوفني وحسيت كدا لثانية بعد ما دورت في حوالي ٥ أوض ان كان بيتهيألي روحت لأخر أوضة ولما فتحتها لقيتهم واقفين عند دولاب وعلياء ماسكة كيس اسود وصالح بيسرق من شكمجية في الدولاب دهب وحلقان وغوايش!!.
لما شوفتهم اټصدمت ودخلت الاوضة وقفلت علينا وانا بقولهم بصوت واطي 
_ يا نهار اسود ومهبب .. انتوا بتعملوا ايه .. بتسرقوا .. بتسرقوا يا علياء .
قربت عليا علياء وهي بتبلع ريقها وبتقولي 
_ ششش بس يا ثراء لحد يسمعنا .. معلش ياختي مش هنعملها تاني.. ڠصب عننا والله.
قولتلهم پغضب
_ يلا دلوقتي حالا .. وسيب اللي في ايدك ده يا صالح وتعالوا نخرج من هنا.
فتحت الباب وخرجت ومن ورايا علياء لما نزلنا السلم واطمنت ان محدش شافنا قولت لعلياء باستغراب
_ ايه ده.. هو فين صالح يا علياء.. انتي شوفتيه.
بصت وراها ولفت وشها وقالتلي
_ شكله عملها يا ثراء .. يا نهار إسود