عارفين انا عندي ١٣ اخ واخت

كدا وتنضفوا نفسكوا ولما تخرجوا هخلي واحدة من الخدامين تديكوا برفيوم عشان تضيع الريحة القرف دي.. النهاردة عيد ميلاد بنتي .. مش عايزة غلطة فاهمين.
هزينا راسنا ومشينا لجوة الفيلا وانا سمعاها بتتكلم في الموبايل وبتقول
_ أهدى ايه بس يا ميرفت .. انا مش عارفه بابي ازاي يجيب العيال البيئة دي.. انا بجد دوخت من ريحتهم .. ما انتي هتيجي وتشوفيهم.
لما دخلت الفيلا الكبيرة لقينا أطفال كتير من أطفال العيلة لابسين لبس حلو اوي وريحتهم حلوة ومسرحين شعرهم.
كانوا قاعدين على ترابيزة موجودة في الصالة ترابيزة طويلة اوي وعليها اكل كتير وفاكهة شكلها حلو انا معرفش ايه الاكل ده بشوفه بس لكن عمري ما دوقته اليوم ده كنت جعانة اوي كل اللي عملته اني فضلت باصة على الأكل وانا بتخيل اني باكل وبشرب عصير حلو كدا زيهم.
أطفال العيلة كانوا بياكلوا وبيتكلموا مع بعض بس لما شافونا فضلوا يضحكوا علينا وسمعت واحد منهم بيقول علينا بتريقة 
_ بصوا العيال دي لابسين ايه.. يع شكلهم مترب اوي .. وشعرهم عامل زي شعر الخروف.
ضحكوا واحنا كنا ماشيين للحمام اللي بنت اكرم بيه قالتلنا عليه واحد فيهم حدفني بتفاحة حمرا كبيرة خبطت في رجلي بقوة بصيت له ورجعت بصيت على التفاحة محستش بنفسي غير وانا بجيبها من على الارض وباكل فيها كنت جعانة وبصراحة التفاحة كان شكلها حلو وطعمها احلى أخدت منها قطمتين وسيبت باقيتها لأخواتي.
قسمتها بينهم بالعدل قبل ما ندخل الحمام لقينا واحدة من اللي شغالين في الفيلا بتقولنا وهي بتمد ايديها بلبس حلو
_ خدوا يا حبايبي دي هدوم نضيفة وجديدة .. البسوها وهاتوا لبسكوا أغسلهلكوا بإيدي لحد ما حفلة عيد الميلاد تخلص .. عايز اقولكم على حاجة قبل ما ....
قطعت كلامها صوت بنت اكرم بيه وهي بتقولنا بصوت واطي علشان ماحدش يسمع كلامها من الاطفال
_اسمعوا انتوا التلاتة .. الهدوم اللي هتلبسوها دي أغلى منكوا انتوا شخصيا.. دول
ماركة .. البارتي تخلص من هنا تقلعوهم علطول وترجعوا جرابيع تاني .. تلبسوا لبسكوا وتغوروا علطول.. الله يسامحه بابي هو اللي حطني في الموقف الژبالة ده.
مشيت كام خطوة بعيد عننا ولقيت الست بتطبطب علينا وبتقولنا 
_ معلش يا حبايبي .. انتوا لسه صغيرين وياما هتشوفوا .. مش عايزكم تزعلوا ها .. يلا غيروا علشان تبقوا حلوين كدا .
ولسه هندخل علشان نغير لقينا صوت بنت اكرم بيه بتقولنا 
_ ولا اقولكوا خدوا اللبس معاكوا .. كدا كدا محدش هيلبسوا بعديكوا .. أو بيعوه هيجيبلكوا فلوس كتير .
مكنتش أعرف بتتكلم كدا ليه ولا ليه قاصده في كل كلامها انها ټجرح فينا ما احنا مش بإيدينا برضو .. كنت عايزه اقولها بصوت عالي محدش بإيده بيختار حياته .. محدش بيختار اهله ولا عيشته .
بس سكت .. سكت لاني دايما بسكت زي ما تقولوا كدا خدت على السكوت على الاھانة وقلة القيمة ما انا في الاول وفي الاخر واحدة شغالة فقيرة وملهاش انها تتكلم مع الاغنى منها.
لبسنا وجهزنا وبدأت الحفلة الجنينة أتملت ألعاب والدي چي إشتغل على أغاني أطفال وانا واخواتي بدأنا نمسح الترابيزات ونشيل الژبالة من على الارض وفي نفس الوقت بنضف الفيلا نفسها.
كان يوم صعب ومتعب اوي انا واخدة على التعب والشقى مش ده اللي كان صعب بالنسبالي اللي تعبني اكتر لما ركزت شوية مع الاطفال وهما بيجروا ويتنططوا ويلعبوا وسألت نفسي سؤال ليه في طفل اتولد لقى كل الراحة دي