حكاوي ايلول

بقالي ساعتين بصحي فيك ايه ده كله
مين.. انا !
لا ده العفريت. 
اخي في الله متحبكهاش. 
لبس ساعته وبصلي
طب انجزي. 
يعني انا واحده بائسه وفاقده الامل تقوم تجبلي شغل وتصاحيني بدري..ده مش اسلوب عيشه ده.
ايلول  
ايه.
ابوس ايدك انجزي عشان نعدي اليوم.
خلاص مش هاكل وامشي بقي جعانه ومهبطه عشان حضرتك.
قام يلا 
يالهوي عايز تنزل من غير اكل..ده انت جاحد وقوي يا شيخ.
ضحك 
هوصي سيف يبقي يخصصلك واجبه في نص اليوم 
اوعي تقول إن صاحب شغل هو صاحبك سيف اوعي..يجيلي فيها ضيق تنفس لمده يومين والله.
للأسف هو 

قعدت بسرعه 
انسي يستحيل 
وده ليه  
انت مش فاكر اخر مره عمل فيا ايه ده هزقني في وسط الناس وصوته علي عليا 
وده علي اساس انك أنت مزعقتيش الاول  
ما هو اللي برقلي الاول فزعقت..ولكل فعل رد فعل..مش هو بس اللي بيعرف يشخط يعني.
ومين بقي اللي كان غلطان قبل ده كله  
فيها ايه يعني لما اخبط فيه وصنيه الشاي تتكب عليه فيها حاجه.. والله ما فيها حاجه.
شدني من ايدي عشان اقوم.
الحوار ده هنحله هناك بس يلا بس.
يبني افهم صاحبك ده مچنون ومش طبيعي بيقعد يطنطت علي طول وعصبي عايزني بقي اروح أشتغل عنده ! 
ما هو ان شاء الله هيبدأ يتعالج 
احلف ! 
بابا اتدخل بينا
والله يا بنتي ما فيه غيرك هنا اللي عايز يتعالج 
حبيبي يا بابا تسلم.

كنت طول الطريق بتلكع علي قد ما اقدر لا لا العربيه دي مش شكلها حلو..لا لا سواقها شكله يخض مش معقوله.. لا انا حاسه اني عطشانه وعطشانه عصير قصب سبحان الله بجد ولازم نروح ابعد عصاره عشان احس اني ارتويت.
متشدنيش كده هخش لوحدي 
ودي تيجي بردو انا داخل معاكي جوا.
لأ. 
طب اوعي افتح الباب.
لأ. 
معرفش ازاي فتح الباب فاجأه وزقني جوا 
بصتله بأحراج لما لقيت تعابير وشه مصدومه منك لله يا يونس يا خويا منك لله.
رتبت همومي ووقفت بابتسامه مصطنعه.
اهلا يا سيف بيه.
قولتها ورحت قعدت علي كرسي بمنتهي الثبات ملتفتليش وقام حضڼ يونس وسلم عليه
انت مش شايفني قاعده ماتسلمش عليا ليه  
وأنت بتزعقي ليه  
انا زعقت فين دلوقتي  
أنت بتردي السؤال بسؤال ! 
بقولك ايه مش كفايه أن جايه بالقهر عشان اشتغل هنا.
مسح علي وشه بعصبيه
كمان ! 
اهو بقي هيبتدي الجنان بتاعه يظهر..انا قولتك من الاول مليش شغل هنا مسكت شنطتي وقمت يلا بينا يا يونس.
رفع حواجبه 
الجنان 
ايوه ما انت بتقعد تزعق وتتعصب وشايف نفسك علينا بجد محتاج دكتور. 
بص ل يونس
انا موافق أشغل اختك عندي.
ههه عسل كان فيه وخلص.
ف اخويا المحترم نغزني في كتفي وادخل
معلش هي بتقعد تعبط بكلام كدهاعزرها.
اتجه لمكتبه وقعد علي كرسي بهدوء تام.
مبحطش كلام عيال صغيره وتافهه في بالي.
انا تافهه..
شاور علي الباب
السكرتيره بره هتعارفك تفاصيل الشغل اتفضلي.
انا يتقال عليا عيله صغيره انا ! وكمان تافهه هو ميعرفش اني انسانه كبيره ما شاء الله يعتمد عليها اه يا عصبي يا مجن ون وبعدين اتحط تحت تدريب ليه عشر شهور ليه الفلبنيه بتاعتك ! 
بتكلمي نفسك  
كانت بنت فبتسلمتلها وانا عيوني علي المكاتب.
هو مكان التدريب فين  
تعالي معايا. 
وصلنا للمكان فشاورت بأيدي علي مكتب
ممكن اقعد هناك  
فضحكت وسبقتني بكام خطوه
اها ممكن ده حتي جنب مكتبي.
بعد ما عدي نص اليوم وانا مبعملش حاجه وقاعده قدام اللاب بلعب و مش فاهمه ايه اللي جابني هنا والناس دي بتعمل ايه هنا ودول مين واحنا مين.
ايلول الورق ده طبعته ومعلش خديه لمستر سيف دلوقتي ضروري. 
ما تخديه أنت. 
في شغل تاني عايز يخلص معايا اهو وأنت قاعده فاضيه. 
يا سلام فأقوم اروح للخنيق ده برجلي.
بصتلي بأستغراب فقمت من علي كرسي
هاتي يا مي انت هتقعدي تبصيلي كده.
لو ملقتيش السكرتيره بره ادهوله انت.
خبطت علي مكتبه وانا جازه علي سناني
ادخل.
دخلت ووقفت قدامه
الورق..
اول ما رفع رأسه وشوفت نظره عيونه بالحزن ده حسيت ان انا السبب مش عارفه ازاي في لحظه