حكاوي ايلول

صح او دي غلط او كل حاجه وليها حد معين طفل كل طلباته جاهزه لما بيغلط مبيلقيش حد يوقفه طفل متمرد وعنده عصبيه زايده كل ده ومن صغري وبكبر علي اساس ان ده الصح ما دام لسه محدش عنفني علي كده او بالأصح محدش يقدر...بتعصب وبشخط وبنطر في أي وقت وكبرت وانا كل يوم بحس بفجوه كبيره بيني وبين اهلي وبين صحابي وبين الناس.
سكت وبصلي فقررت اشجعه أنه يكمل ومبيخفش
كلنا عندنا اخطاء وسلوك غلط بس كويس انك عرفت ده وتقبلته بجد كويس خطوه حلوه.
ابتسم وبص قدامه وكمل
مبعرفش اتعامل مع الناس ولأعرف ايه الكلام اللي بيديقهم فعلا ومينفعش اقوله أو قدره كل شخص في التحمل لحد فين واحاول متخطاش الحد ده كبرت وده كله ميعنيش شئ في قاموسي..

اتنهد وكمل
عارف ان ده مش مبرر لأفعالي وطريقه معاملتي مع الكل ما دام كبرت خلاص وبقيت راجل بس ڠصب عني محدش جيه ووقفني محدش جيه وشكي لعائلتي من تصرفاتي ابويا موقفنيش علي تصرفاتي محدش جالي في جامعه وقالي خد بالك يا سيف ده بيديقني و بيزعلني منك وفوق ده كله محدش جيه من الشركه ووقف قصادي وقت عصبيتي عليه من غير سبب إلا أنت يا ايلول. 
ضميت حواجبي بأستغراب
وصحابك مقلوش ليه حاجه زي دي 
يمكن عشان غني وبتاع وعربيه فناخد منه سبوبه وخلاص!! 
وكلامي فرق معاك 
لو مكنش فرق مكنتش روحت لدكتور مكنتش هحاول امسك نفسي عن العصبيه طول الفتره اللي فاتت مكنتش هبقي جايبك هنا قدامي واحكيلك زي الاهبل كده.
ابتسمت علي كلامه وتبريره
وايه السبب انك تحكيلي 
مش لاقي اجابه مقنعه دلوقتي.
قمت طيب نشرب بقي قهوه بلبن بمناسبه انك عرفت غلطك وبتسعي انك تصلحه.
الدنيا بقت ليل.
وهتبقي احلا مع الليل.
عارفه ايه الاحلي.
ايه!
وجودك.
من ساعه الموقف ده وكبر في نظري اويوالمشكله اني عودت نفسي ووقتي عليه مفيش حاجه بتكمل صح غير لما اخد رأيه و نتحاور في اقل حاجه انا عارفه ان ده كله غلط ومينفعش بس معرفش ازاي الوقت وقلبه سرقوني كده وسبوني تايه في كلامه المقنع و ابتسامته الجميله و هدوءه في حل المشاكل و معاملته اللي اتحسنت وأسلوبه الهادي ده كله بيخليني بحس بفخر بسيط اني سبب في تغييره.
فتحت الباب بسرعه  
هو بجد الكلام ده  
رفع راسه من علي الورق
كلام! 
اقصد انك سلمت علي الموظفين وقولتلهم صباح الخير!! 
ايوه.
انت بجد مش متخيل أن هم مش مصدقين انك قولتلهم كده.
اول خطوه في التغير اهو.
وده طبعا بفضل مين 
بفضل...بفضل دكتور طبعا.
ماشي يا استاذ غتاته. 
والله انا مديرك مديرك افهمي.
يعني عايز ايه 
رفع حواجبه
مش انا معزوم عندكم النهارده..
وده مين اللي عازمك أن شاء الله 
باباكي.
ما شاء الله بقيت مقيم عندنا خلاص.
هشرب قهوه بلبن عندكم خدي بالك ومن ايدك.
هنطفحك حاضر
هو حوار الرقه ده معداش عليك بالغلط حتي.
قمت من علي كرسي
هروح اشوف الشغلعن اذنك.
صديقي انت اضيقت 
قعدت علي طول تاني
اه واعتذرلي. 
انا اسف..
لأ مش ده عايزه التاني.
اللي هوا ايه!
ابو ايام اجازه ده.
انسي.
خلاص ماشي بس يبقي شوف مين اللي هيعملك قهوه بلبن واللي هيحبب الموظفين فيك ومين اللي هيخلص الشغل اول بأول ومين اللي هيجبلك فطار معاه ومين اللي...
قاطعني وهو بيضحك والضحكه دي بتطلع ليا انا بس
هو يوم واحد. 
واحد بس!!
لو مش موافقه ممكن اخصملك اليوم ده من مرتبك.
لأ وعلي ايه يا اللي كلك كرم و لذاذه.
استأذنت منه بدري وجريت علي بيتنا ومنه علي المطبخ عشان أنا اكتشفت اني قد ايه بحب المطبخ والوقفه فيه لما بعرف أنه جاي عندنا وماما كل مره بتستغربني حتي انا كمان بستغرب من نفسي لأني مش كده.

بعتله.
فستان ازرق ولا مينت جرين! 
ازرق.
متأكد. 
أنت فين
في المحل اللي قولتك عليه عشان اجيب فستان للحفله.
فبعت
طيب وانا قريب من المكان و هجيلك.
تمام هشتريه واطلع.. 
خلصت وشريت الفستان وطلعت كان مستني قدام العربيه.
القدر ده غريب اوي. 
ابتسم ومد ايده وهو بيقول
عصير التوت.